Iniciativas para o curso 2010-2011

ANPA DO IES A SARDIÑEIRA
ESCOLA XXI



Iniciativas para o curso 2010-2011


Temos moitos obxectivos e todos encamiñados a apoiar os alumnos do centro no ascenso á súa formación e á súa madurez que lle posibilite elixir.


Un obxectivo é que o centro poida acoller máis alumnos, básico para poder aumentar a oferta no ensino; para realizar unha actividade necesítase un mínimo de alumnos para formar grupo.


Outro, que o centro se converta nun referente para os alumnos, onde adquiran a forza que van necesitar para entrar na loita por acadar os seu particular obxectivo, onde aprendan que a disciplina é importante ó igual que compartir cos seus compañeiros tódolos coñecementos e emocións que nesta etapa adquiren. ¿Cómo?

1. Cremos que creando un espazo físico, unha aula onde poida compartir libremente coñecementos e que ademáis poidan acceder a outros medios sexan libros ou información por medios informáticos segundo as necesidades de coñecemento vaian aumentado, pode ser un bo aliciente.
2. Creando un contorno no mesmo centro, acolledor e armonioso que crebe a iniciativas contrarias á educación.
3. Ofertando actividades onde cada alumno poida desenvolver a súa creatividade natural e que ademais poida ofrecela para ser aproveitada polo resto dos compañeiros e a súa vez desfrute da creatividade e arte dos seus compañeiros.
a. Teatro
b. Debuxo
c. Xadrez
d. Música
e. Baile
f. Deportes e competicións deportivas
g. Biblioteca

Cando contemos coa certeza de que podemos dispoñer dun comedor no centro, comunicaremolo a tódolos pais que nos deixen o enderezo electrónico, tamén a través deste blog ou notas que se distribúen no centro.

Temos un buzón de suxestións a disposición de todos para que se podemos facer algo hoxe non quede para mañá.